Ech sinn de Weekend vum 25. bis de 26. Februar op Berlin geflunn, fir um Seminar "Léiere mat Begeeschterung" an der Akademie fir Léiermethoden zu Fürstenwalde deelzehuelen. Dat war wierklech eng super Erfarung.
Ech hunn de Chef vun der Akademie, de Jens Voigt, perséinlech begéint an ech war ganz erstaunt vun deem wat hien gemaach, erfonnt, entwéckelt a geléiert huet, fir datt d'Kanner wierklech einfach léieren. Hie schafft zanter 1984 als Enseignant an huet do virun allem als qualifizéierten Enseignant fir Sport a Geographie vum Lycée bis an de Grondschoul geschafft.
Zënter 1995 huet de Jens sech intensiv fir d'Thema Gedächtnistraining a Gedächtnisjoggen interesséiert. 2005 huet hien eng ganz efficace, nei Erënnerungstechnik entwéckelt, d'ALMUT Technik. 2006 huet hien d'Firma "Lernwerkstatt Voigt" gegrënnt. Et gouf spéider d' Akademie fir Léiermethoden .
Hien huet den Dr Dieter Böhm an d'Vera F. Birkenbihl perséinlech kennegeléiert a konnt duerch si d'Memorisatiounstechniken, déi hien entwéckelt hat, verbesseren.
2011 huet hien d'Léiermethod "NAS-Technologie" entwéckelt, duerch déi vill Studenten hir Studien ganz erfollegräich ofgeschloss hunn an d'Léiermaterial laangfristeg konnten erënneren.
Also hat ech de Privileg de Jens Voigt a seng Duechter Anne zu Fürstenwalde kennenzeléieren.
De Jens ass och e Meeschter am Mind Mapping. Wärend dem Seminaire huet hien eis erklärt wéi ee Mind Maps liest an erstellt. Dank enger vu senge Mind Maps hunn ech a ganz kuerzer Zäit vill iwwer d'Liewe vum Ludwig van Beethoven geléiert.
Hien huet eis gewisen wéi een ABC Lëschte benotzt an datt dat Spaass mécht. Hien huet eis verschidde Léierspiller presentéiert, déi hie selwer entwéckelt huet. Léieren ka wierklech vill Spaass maachen!
An der Schoul léiere mir bewosst. Mee mir kéinten och un eisem Ënnerbewosstsinn zéien, an an der Grondschoul kéintemir domadder ufänken. De Jens huet eis gewisen, wéi mir passiv léieren a wéi mir dat wat mir geléiert hunn, reaktivéiere kënnen. Säi Labyrinth huet och eng Roll gespillt.
Spéider hu mir och seng ALMUT Technik kennegeléiert. Mat dëser Technik huet hien eis gewisen, wéi mir eis einfach un 25 däitsch Perséinlechkeeten erënnere kënnen.
Am Jens Voigt hunn ech endlech een fonnt deen meng Visioun deelt (léiere wéi ee léiert, vun der Grondschoul aus un) (oder vice versa). Ech géif gären all Grondschoulmeeschter encouragéieren op d'mannst un engem vun dësem wonnerbare Mann senge Seminairen deelzehuelen. Keen kann dat bedaueren! Awer et wier am beschten, sech direkt fir seng Ausbildung ze entscheeden. Dat dauert een bis zwee Joer, an deem ee léiert wéi ee mat Begeeschterung enseignéiert, a wéi a wéini ee mat wéi enger Léiermethod léiert. Klickt op dëse Saz!
Andeems mir eise Kanner enseignéieren, wéi een effikass studéiert, ännert sech mëttel- bis laangfristeg vill, an zum Besseren! Ech sinn dovunner iwwerzeegt!
Comments